Die Nikolausfeier 2004 fand am Sonntag 28.11.2004 nach dem letzten Heimspiel des Jahres statt.
Leider hatten beide Herrenmannschaften das letzte Spiel verloren, so dass es eigentlich nicht allzu viel zu feiern gab. Aber unsere Fußballer können auch nach Niederlagen feiern, noch dazu, da sich für dieses Jahr der Nikolaus und der Krampus für die Jahresabschlussfeier der Herrenmannschaften angemeldet hatte.
Abteilungsleiter Josef Schauer konnte neben den Herrenmannschaften auch die A-Juniorenmannschaft, mehrere Schiedsrichter, die Vorstände des SC Tegernbach und des TSV Rudelzhausen/Tegernbach, die Vereinsheimwirte, Platzkassiere usw, sowie unsere „Edelfans“ begrüßen. Der 1.Vorstand Günther Dumsky sprach auch einige Grußworte und lobte besonders die A-Juniorenmannschaft, von der einige Spieler bereits die Herrenmannschaften unterstützen und die ungeschlagen Herbstmeister geworden sind.
Nach einem von der Fußballabteilung bezahlten Essen ging die Tür auf und der Nikolaus kam in Begleitung mit dem Krampus herein. Er lobte viele Spieler, tadelte auch einige und brachte in Versform deren „Schandtaten“ in Erinnerung. Der Krampus musste auch ein paar mal mit seiner Rute Schläge verteilen. Anschließend gab es für die Spieler und für die Kinder kleine Geschenke. Dann verabschiedeten sich beide wieder und es wurde gemeinsam weiter gefeiert.
Was der Nikolaus berichtete:
Grüaß Gott beinand, ihr liabn Leit,
zu eich Fußballer, bin i kemma heit;
Rudelzhausen der letzte Ort in Oberbayern,
tuat heit mit mir, als Nikolaus, Vorweihnachten feiern.
Oan brauch i, der meinen Stecka hoitn ko,
I glaub der Sommer Schmu is dafür der richtige Mo,
geh kimm a Moi raus zu mia und steil di da hin,
und hoit mein heiligen Stecka, bis i fertig bin;
tua ma ja net mit de Leit umananda ratschn,
sonst kriagst vom Krampus a rechts trum Watschn.
Und lass ma blos den Liachtschalter steh,
sonst weads für di heid nimma sche.
Und dann mach mas wia alle Jahr,
und fangma mit de Offiziellen o.
Wennst hörst was de Jungs des ganze Jahr treibn
da kon doch koa Augn trocken bleim.
Geier Peter
Da Geier Peter des is koa Depp,
kenna duad den a jäda im World Wide Web.
Wega der vielen Arbeit fürn TSV,
lässt er sausen so manche Frau.
Mia hoffan dasst uns no lang dahoidn bleibst,
und de Berichte imma sauba ind Homepage eine schreibst.
Hermine
D’Hermine jetzt is z’spät,
de Buam zoagst wia as Kartnspuin richtig geht.
Vorm Spui sogds, Buam derds ma vei gwinna,
sonst griagds vo mir koan Sekt mehr zum dringa.
Hermine dua d’ Dressen weida guad waschn,
dann derfst beim Kartnspuina öfters moi vo oana Goaßmaß naschen.
Christe
Christe duad bei eich as Sportheim verwoidn,
oft muass sie’s mim Gui scho länger aushoidn.
Gibt’s im Vereinsheim moi koa Bier zum dringa,
dann dadn ihr am liabstn im Bodn versinga.
Doch ihr Fuaßballer habt’s Gott sei Dank des Privileg,
dass de Christe hinterm Tresen steht.
Deshoib mach weida so hinter da Schenke,
dann griang de Fuaßballer a weiterhin kalte Getränke.
Gui
Da Platzwart, des is da Niedermeier Gui,
der is no vo da ganz oidn Schui.
Beim Fußboi is er unsa treuester Anhänger,
do fliegt scho manchmoi d Fahna, – wer konns eam verdenga.
30 Liter Bier bei da A-Jugend, des muß da Gui wissen,
do hoid er se glei undan Tisch einegschmissn.
Spieler:
Heier nemma de Spieler einfach ducheinander dro,
weil ma noch da Leistung eh ned unterscheidn ko.
Hölzl Andi
Und der Hölzl der Musikant
Is a ois DJ Recall bekannt
Im Tor da steht er wia a oans
Einelassn duat er fast koans.
Drum Andi mach no weida so
Dann bist du für uns da beste Mo.
Bauer Steff
Osch hinaus, Kopf durchgstreckt
Des is da Bauer Steff, do vareck.
In da Abschlussfeier des war a Sach,
dahoam is er dann nebam Klo aufgwacht
Am Bestn du kimmst eam im Spui ned o
Sonst is a verletzt, der guade Mo.
Am bestn suachst da a Dokterin
Dann haut des ganze bessa hin.
Baun Dom
Wer kommt den do vo hinten rei,
des ko doch nur da Dominik sei.
In Lindberg war a glei verletzt
Dann hod er glei a Lehrerin nida gwetzt,
de Frau de war so richtig nett
hod er doch verlorn sen Giadbeutl im Bett.
Drum Dominik, lass de Oide sausn,
de denkt doch äh blos ans mausn.
Hagl Andi
Da Hagl Andi wui hoch hinaus
Im Spui haut er de Stürma vo de Socka raus.
A Flugzeug mecht er amoi fliang,
und dann de Stuadessn umananda ziang.
Drum Andi bleib dem Fußball erhoidn,
dann kannst deine Gegenspieler wieda spoiten.
Festner Ali
Ois Libero haud des schee langsam hi
Gmoand is eier Ali G.
In seiner Wirtschaft städ a an da Schank
Im Defensiven wi a Bank.
Drum Krambus den konnst heid verschona
Der moan i, duad eich heid no mit Maßn belohna.
Birnfelder Hans
Der Birni schiaßt gern gega Bam
Beruflich is er bei der BayWa daham.
A neie Keule hod er se aufgrissn
Do hod er se gor nix gschissn.
Aufn Hof do is wida wos los,
Hoffentlich wern do wida a Paar Grätscher groß.
Engelmann Jens
Da Jens is eier Ossi-Mann
Der haud im Training ab und zu de eigna Leid zam.
Wenn im Training dann koana mehr laffa ko,
is er glücklich der guade Mo.
Des Grätschen is an Jens sei oanzige Sucht,
do ergreift scho mancher Stürmer die Flucht.
Drum Krampus wird a moi schnell munter,
dann hauds erm vielleicht a paar Kilo runter.
Claus
Beim Dehner gibt’s an guadn Mo,
der in jeda Stellung schlafa ko.
Im Trainingslaga hod er se ogfressen,
do hod da Wirt gsagt „konnst as Gschäft vergessn“
Gmoant is eier Claus aus Au,
der kennt de Damenmannschaft ganz genau,
Vo de Mädls is er ganz verzückt,
drum lafft er jeden Sonntag wia verrückt.
beim heiner seiner geburtstagsfeier war er leicht verwirrt,
beim hoamgeh hod er se in an weiher verirrt.
Redl Matte
Os Sauerstoffziat is er bekannt
Gmoand is da Redl Matte vom Moaburger Hinterland.
90 Minuten er rauf und runta laffa ko,
is er doch unser bester Mo.
Da Matte mechad an Lee a imma Oane zura bringa.
Bloß da Lee fangt dann imma o zum dringa.
Aigner Martin
Und weil ma scho beim Trainer sind,
da Tante unsa liebstes Kind.
An Mich hätts glei in der Hoabzeit raus do,
weil er ned imma laffa ko.
Drum Lee her auf de Tant genau,
vielleicht bringts a amoi a guade Frau.
Also Martin bleib dem TSV erhalten,
dann braucht da Krambus nicht seines Amtes walten.
Richter Role
Ein Schuss, ein Tor, wen meint man wohl,
es ist da Richter Rol.
Im Trainingslager er über den Platz schleicht,
an der Theke er guad mit Wodka-Brause geicht.
A Liad hams a scho über erm,
Krampus des mechad ma a gern hern.
Drum hau eam drüba die Rute,
dann hört ihr dieses Lied das Gute.
Betzenbichler Mich
Im Spui – und Abseits – macht er koan Stich,
gmoand is er , da Stichler Mich.
Noch 70 Minuten muass er raus,
bei de Bunnys hoid er’s länger aus.
Beim Dehnen duad er se öfters weh,
do sogd da Lee –- Oh-je-oh-je.
Drum hau erm oane kräftig drüber,
dann kummd im Spui wida mehra rüber.
Rauscher Werner
Da Grandpa eier Fischerkönig,
der haud de Freistöß nei, des stört den wenig.
Da „Grandpa-Tanz“ war legendär,
do sogt de Christe – A wenn’s no imma so wär—
Der hod do tanzt wia da Lump am Stecka,
da dadn se de Junga de Finga obschlecka.
Drum Krampus lass den Oidn steh,
der is froh wenn er konn grod geh.
Hohmann Ede
Es gibt oan, der bei da Spielasitzung gor ned hoam geh ko
Des is da Abteilungsleiter Ede der guade Mo.
An Lee er in der Sitzung stört,
Ede, des sich nicht gehört.
Beim Pockern fühlt er sich so schlau,
er moand er hod imma 4 Sau.
Drum Ede lass de ned lumpen,
de Spielersitzung mach ma des nächste Moi in deiner Spielunken.
Drum Kramus hau erm oane nei,
do is vo da Gabi a oane dabei.
Gleichauf Gust
Da Gleichauf Günther is boid unda da Haum,
man kanns gar ned recht glaum.
Doch Gust bau ned ins Wuid-Sau-Land,
sonst sama nimma lang beinand.
Gust wennst do obe baust, des kost vui Überwindung,
denn ins Wuid-Sau-Land gibt’s oiwei no koa Straßenverbindung.
Schmitt Christian
Da Schmiede jetz im Allgäu is,
und nimmer bei seiner Ise is.
De Ise gern heiran mecht,
doch beim Schmiede ist zur Zeit ganz schlecht.
Da Spaßfaktor beim Schmiede is recht groß,
aufn Platz is momentan ned so famos.
Laffa kon er imma no wia a Stier,
drum mach erna moi wida a guads Bier.
Drum Krampus mach uns koan Stunk,
vielleicht gibt’s moi wieda an Haus-Trunk.
Senger Waldi
Da Senga Walter der is Vadder worn,
jetzt drinkt er no mera, hod er se gschworn.
Vadder wern is ned leitcht,
5 Dog saufa jetzt bist geicht.
Tore schiast er am laufenden Band
Und des in seim dreckigen Fuaßboigwand.
Drum Walter mach weida de Dinga,
dann wird d’ Reserve a moi wieda gwinna.
Klemant Hermann
Da Hermann is im Training a seltener Gast,
sei Hüftn foid erm oft zur Last.
Beim Geh hörst scho de Knocha kracha,
hauptsach d’Leid ham was zum Lacha.
Drum Hermann dua die Hüftn gscheid schmiern,
dann braucht se d’Simone ned imma geniern.
Lemle Tom
Da Geil Tom is a stada Mo,
Bloß wenn da Eberl kumd … dann is der dro!
Vorm Tor verhaud er de Bälle,
des geht scho fast ins Kriminelle.
Sein Nam hod er vor am Johr hergem miassn,
da Dom kannt erm heid no oane schiassn.
Auch wenn er ned alles kann
Im Sturm is er a ganz wichtiga Mann.
Habel Steph
Ois Kamerad do kenndn a Jäda,
in da Technikerschui is er a koa Bläda.
Beim Pfarrer z`Rudelzhausen hod er an Zivi probiert,
danoch hod er de oiden Weiber verführt.
Zur Zeid duasst de ganz hart mim Laffa,
i glab de miassn dir an Rollstui kaffa.
Drum Krampus bass auf bei dem Kerl,
und behandl erm wia a jungs Herl.
Schauer Sepp
Eier Abteilungsleiter der is ned ohne,
des is vom Stolznhof da Schauer Pepone.
Is in da 1. moi Not am Mann,
muss der alte Jupp dann ran.
Gega Istambul spuid er recht gern
Do ko er de Gegenspieler sche daplerrn.
Drum Sepp bleib erna no einige Zeit erhalten,
dann kannst du weiter deines Amtes walten.
Ruhfaß Joe
Da Ruhfaß Joe, der is no flott,
für manche ist er da Zockergott.
Manche Spieler ham im Spui ganz schee zum Beißn,
Do duad er oft so manche zamad scheißn.
Hey Joe du brauchst de gar ned beschwern,
du konnst ja glei a Bloßengl wern.
Huber Kurbe
Da Kurb is eier treuester Tribünenmann,
doch ab und zu muß er in da Reserve ran.
Beim Maßnzoin war er immer a Garant,
wenn er doch bloß öfter in de Spielersitzung kemma kannt.
Drum Kurbe schau wieda öfter vorbei,
denn beim Zocken hams di gern dabei.
Kaindl Tom
Da Kaindl Tom is oaner der Ruhigeren imVerein,
doch auf da Straß fohrt er wia a Schwein.
Der Hund lasst`s fast nia gracha,
der moan i hod mit seina Tanja nix zum Lacha.
Tom, des mim Bierdringa des muass andas wern,
nächsts Johr mecht i von deine Spezi-Reisch nix mehr hern
Gollwitzer Bernd
Da Gollwitzer Bernd teilt in da Reserve oft ganz sche aus,
im Psychobus pacht er dann de guadn Liada aus.
Nachm Trainingslaga ko er meist nimma ren,
mei Bernd wia so des mit dir weidagehn.
Drum Krampus, dua an Bernd ned misshandln,
der duad uns nämlich imma aufm Spuifeld behandln.
Markovic Boka
Da Boka, der hod eich scho öfters versetzt,
im Biergartn hod er se Weißbier neigwetzt.
A Brotzeit mechadns amoi, des war nett,
vo deine Versprechungen wean;s a ned fett.
Beim Fuaßboi kon eam de Mannschaft guad braucha,
drum Boka dua wieda öfter beim Spui aufdaucha.
Sommer Schmu
In da Gmoa da gibt’s an Fußballstar,
des is da Sommer Schmu, des is jeden klar.
Hacke, Spitze – 1,2,3,
da Schmu sagt „Do is nix dabei!“
Außenrist des is sei Sach,
Berühren sogt er, dass i ned lach.
Drum Schmu bleib wirst bist
lass de net drazzen,
vo deine Gegenspielermazzen.
Heigl Heiner
Der Knuffibär beim TSV
heißt Heigl Heiner ganz genau.
Da Heiner endlich is so weit
z`Karierreende jetzt is gfeit.
De Mädels imma jung und willig
da Schülerausweis! – Heiner, des is billig!
An Hunga hod er an recht an gsundn,
an Bauch aber an recht an rundn.
Drum Heina bleib lang dabei,
dann griagst sicha amoi a gscheids Weih.
Röhrl Edmund
Da Betrüger ihr wissts ja wen i moan,
des is da Röhrl Edmund, do gibt’s bloß oan.
An Schiri duat er oiwei de Bälle wegschiaßn,
du bass bloß auf, des muast boid biassn.
Ois Spielführer vo da Reserve is er a Vorbildfigur,
seine Mitspieler bscheißt er, de ham boid gnua.
De Rutn deafst eam scho a paarmoi drüberhaun,
vorbei is mim Betrurg, do wearts schaun.
Schöttl Christoph
Vo Niedalaudaboch, do ham ma an Spezialist,
da Schöttl Christoph, manchmo spuit er an schena Mist.
Beim Betznbichla is er da neie Knecht,
da fria an Woid drauß werds eam ganz schnell schlecht.
In Italien hod eam da Wein recht gschmeckt,
aufn Brenna wars dann a ganz schens Gfret.
Danoch hodn dann da Deife packt,
do hod er am Heiner sei Pizza dadappt.
Karber Stefan
Beim Karber Stefan do ham de Gegenspieler net vui zum lacha,
da hert ma oft de Bondl kracha.
Vo da A-Jugend hamma oin, der is recht guad,
der zwingt de Gegner oft zur Wuat.
De Dressn sitzn bei eam hauteng,
es keant oft a bisserl mehra sei, sonst werds erm hoid zeng.
Drum Stefan bleib im Training dro,
dann wearts a guada Abwehrmo.
Ostermeier Josef
Bei uns gibts oana ders gor ned ko,
de Rede ist vom Gerundolo.
Letztsmoi im Vereinsheim – 11 Weißbier – i mogs gor ned wissen,
do hoad er se danoch an Türstock onegschmissn.
Drum Hase lass de hoid ned lumpn,
Und dring heid wieda 11 Humpn.
Schmitt Martin
In eicharer Abwehr do gibt’s oan, der städ ständig unda Strom,
des ist da Schmitt Martin vom Lutz & Huba drom.
Beim Spui is er oft ned bei der Sach,
wer woas was Dani oiwei mid eam macht.
Da Jack der haut imma an Zimmatür no,
jetzt Martin hoid de amoi ro.
Drum Krampus lass eam Hosn runda,
dann werd da Martin wieda munda.
Krizanak Marinko
Und ihr beim TSV sad’s international,
und glabt’s es mir, ohne Brdaric, des war fatal.
Weil da Brdaric is der Mo,
der Farb ins Spui bringa ko.
Doch in letzter Zeit is mir de Farbenvielfalt vui zu groß,
deswegen griagst jetz vom Krampus de Rute in den Schoß.
Petz Andi
Wer kriecht so spät durch Kraut und Rüben?
Es ist der Petz Andi, er will nach drüben.
Der Abschied von zu hause fiel ihm schwer,
doch mittlerweile sogd er,
im Osten do is’s legendär.
Drum Petzi-Bär dua wieda öfter u ernare Spiele kemma,
und dua glei a paar Hosen vom Osten midnemma.
Würfl Robert
Da Würfl Robert is a neia Mo,
in da Reserve zoagt er wos er ko.
Im Training ham’s sei Gegenwart ned oft gspiad,
seine Freind song, koa Wunder, der is imma so miad.
Robert i hoff du duast jetz dann öfters ins Training kemma,
dann braucht di da Krampus ned glei darenna.
Zenk Mich
Da Zenk Mich is bei eich im Land
a als weißer Brasilianer bekannt.
Des Hausbaun des wird erm sche langsam Z vui,
sei Frau sogd, du gehst ma am Sonntag fei ned ins Spui.
Gell Zicco jetz werd wieder öfter trainiert,
in da Reserve hast de ja eh scho etabliert.
So Grampus, hoi mir de Leit jetzt alle raus,
und pack nebenbei die Ruatn aus;
Nachdem de grossn jetzt dro warn, kemma de kloana,
kemmts amoi raus zu mir aber derts ned woana,
Wenn da Krampus jetzt den Sack aufmacht,
hod er für jeden von eich was mitgebracht;
I hoff ihr derts brav und artig bleim,
und eire Eltern ned zur Verzweiflung dreim.
Knecht Ruprecht, teil jetzt aus deine Gaben,
damit die Kinder eine kleine Freude haben.
So ihr liabn Leit, mein Gedicht ist nun beendet,
ich habe Lob und Tadel gespendet;
So will ich denn zum Abschluss kommen,
beherzigt wohl was ihr vernommen;
Dearts schaun, dass ihr nächstes Jahr steht ganz oben,
Dann könnt Ich euch moi wieder loben,
Für die freundliche Aufnahme in diesem Haus,
danket euch Sankt Nikolaus,
Komm Krampus wir fahrn jetzt wieder an Himme nauf,
bleibts gsund und führts eich recht anständig auf!